Monday, March 6, 2017

කෙහෙල් කොටුවේ චූටි මහත්තයා කියන්නේ කවුද?

අද මෙන් නොව, එදා පෘථිවිය අතිශයින් විශාල වස්තුවක් වූ අතර, එය හිරු වටා නිස්කලංකව භ්‍රමණය විය. ගත වන කාලය ගැන වද නොවුනු අපි හිරු කිරණ දිගේ පෘථිවිය තරණය කලෙමු.


ප්‍රවීණ චිත්‍ර ශිල්පියෙක් ඇන්දා වැනි පෘථිවිය මතුපිට සිතුවම දිනපතා අලංකාර කරන දැල් වියන මකුළුවෝ, ගස් දිගේ පල්ලම් බහින දළඹුවෝ, මල් ගස් අතර වේගයෙන් වංගු නමන බත් කූරෝ සහ තවත් මිලියනයක් අලංකරණ ශිල්පීහු, අප ට එදිනෙදා හමුවන සාමාන්‍ය පුරවැසියෝ වූහ.

දෙමාපියෝ, නෑදෑයෝ, වැඩිහිටියෝ සහ ගුරුවරු අපට නිරන්තරයෙන් මේ මතුපිට සිතුවමෙහි තමන් දුටු අත්දැකීම් අවබෝධ කරවීමට උත්සහ කළෝ ය. නමුත් සිදුවන අත්වැරදි ගැන වදනොවුණු අපි තවමත් පෘථිවි තලයේ ඔවුන්ට හමු නොවුනු නැවුම් වර්ණ සොයා කාලය හරහා දිගටම ගමන් ගත්තෙමු.

අද වන විට පෘථිවිය බොහෝ සෙයින් කුඩා වී ඇති අතර, අපගේ ඉන්ද්‍රීය සංවේදීතාවය දෙවෙනි වන තරමට එහි භ්‍රමනය වේගවත් වී ඇත. එහෙත් කලකට ඉහත දී, ඔවුන් හා අප සෑබෑවටම මුහුණ දුන් සිදුවීම් විසින් සිතෙහි සිතුවම් කළ ඒ භාවාතීශය සුන්දර වූ ළමා කාලය නැමැති සිතුවමට එයින් කිසිදු හානියක් වුයේ නැත.

ෂර්වුඩයේ රොබින් හෙවත් කෙහෙල් කොටුවේ චූටි මහත්තයා යනු මීට දශක දෙකහමාරකට පමණ පෙර ලෝකය නිස්කලංකව පැවති සමයේ සිය ළමා කාලය ගෙවාදැමීමට වාසනාව ලද දරුවෙකි. මේ කතා මාලාවේ එන්නේ ඔහුගේ දොම්නස, සොම්නස අතරෙහි ඇති තවත් ගිණිය නොහැකි හැඟීම් නැමැති පැහැයෙන් රූබර වූ ළමා කාලය නම් සිතුවමෙහි පලින් පල වූ විචිත්‍ර වර්ණ කිහිපයකි.

6 comments:

  1. හරිම සන්තෝෂයි බුද්ධි. මම නොනැවතී කල ඉල්ලීමට ගරු කිරීම ගැන සතුටුයි. ඉක්මනින්ම අරගෙන කියවන්නම්.

    ReplyDelete
  2. බුද්ධි කියන්නේ ළමා මනසට ගෝචර වෙන්න, ඉතාම ලස්සනට කතා ගොතන්න සහජ දක්ෂතාව තියෙන රචකයෙක්. බුද්ධිගේ ඒ හැකියාවට අමතරව ඔහු අති දක්ෂ චිත්‍ර ශිල්පියෙක්. මම ඒ වගේ කෙනෙක් මීට කළින් දැක තිබුණා නම්, ඒ මගේ චිත්‍ර ගුරුවරයා වුණු එස්. ඒ. දිසානයාක මහත්මයා. බුද්ධිට කවදා හරි වත්මන් පරපුරේ එස්.ඒ. දිසානායක වෙන්න ලැබේවා කියලා මම හදවතින්ම ප්‍රාර්ථනා කරනවා

    ReplyDelete
    Replies
    1. චිත්‍රයක් නැතත් කතාව කියවද්දි , චිත්‍ර මැවෙන්ඩ ලොයන්න බුද්ධිට පුළුවන්. ගැසට් එකේ කොල කඩල බෝට්ටුව හදපු හැටි, ඒව චිත්‍ර මැවෙන කතාවල්

      Delete
  3. චූටි මහත්තයගෙ කතා අපේ ළමයින්ට වැඩි වැඩියෙන් කියවන්න ලැබේවා !!

    ReplyDelete
  4. මේ දැන් මමත් පොතක් ගන්නයි යන්නෙ.. තව තවත් අපේ දරුවන් වෙනුවෙන් මේ ලියවීම් ලියන්න නොසිදෙන කතා උල්පතට සුබ ප්‍රාර්ථනා කරනවා මල්ලී..!

    ReplyDelete

චූටි මහත්තයා පිළිබඳ ඔබගේ ප්‍රතිචාරය පහල තීරයේ සටහන් කරන්න. ඔබගේ ප්‍රතිචාරය අනුමත කිරීමෙන් පසු මෙහි පළ වේ.